Jornal de Eng.'Mohamed', 30 jul 24

بالتوفيق بإذن الله 💪🌹 

شاطر ماشاء الله ربنا يعينك على حفظ كتابه الكريم  

بالتوفيق 

https://www.nquran.com/ar/quranplayer/ اللهم بارك بالتوفيق انا بستخدم الموقع دا في تكرار الآيات وفادني  

بالتوفيق 👏👏 

التكرار ثم التكرار ثم التكرار ماتحفظش كل يوم كرر الوجه قراءه عشر مارات وممكن تزود بس ماتقللش كل يوم كل يوم وقت ما يجي ميعاده الحلقه كل إسبوع هتكون حفظت وإسمع الحصري كتير  

Norhan يارب دايما اللهم امين  

الله يخليكي ياموده متشكر علي الدعوه الشيخ دايما بيدعيلي ملاحظ اخر كل حلقة بيقولي اللهم املأ قلب عبدك محمد بالقرآن ويسر له تلاوة كتابك تلاوة ترضيك...آمين 

ام نوح اللهم امين  

sama هشوف الموقع حالا اجرب جزاك الله خيرا وكمان منزل برنامج علي الموبايل براجع عليه وعلي فلاشة العربيه بردو 

om habiba اللهم امين  

ڤانيليا فعلا عندك حق ايوة دي الطريقه فعلا اللي الشيخ قالي عليها اول حلقتين قالي احنا هنقرأ ونكرر كتير قالي عاوزك تعمل كده امبارح قالي حفظك حلو جيد جدا وتلاوتك كويسة بس محتاجين نركز علي التشكيل اداني سور بالترتيب وقالي هتقرأها بالتشكيل وهنركز عليه الحلقه الجايه عشان يبقه ظبطنا الحفظ والتشكيل طيب انا عاوز رأيك بما انك ازهريه بقه انا بحب اسمع العجمي وياسر الدوسري دول باستمرار بشغلهم بس كتير قالي الحصري او المنشاوي لما تيجي تحفظ تركز معاهم اكتر فانا عاوز اسم شيخ واحد عن طريق خبرتك طبعا فالحفظ او حد من الزملاء ينصحنا بردو اركز معاه يعني فالمطلق هسمع انا الدوسري بس مثلا انا براجع انهارده وبكرر وحاسس ان في تشكيل كلمه صعب فانا افتح الحصري ولا المنشاوي ولا عبد الباسط  

انا كده كده بعت للشيخ احمد حالا نفس السؤال عشان يوضحلي اكتر  

بص يا باشمهندس الدوسري والعجمي تشغلهم فى الوقت اللى حابب تسمع فقط لكن وقت الحفظ الحصري طبعا وممكن تشوف الشيخ ايمن سويد ده هيضبط معاك التشكيل كويس جدا ولو حسيته بطيء بزياده سرع الفيديو شوية وانت بتقرأ من المصحف شغل الحصري المعلم وعينك على المصحف بعد كده سجل لنفسك وانت بتقرأ واسمع تسجيلك وقارنه بقرائة الشيخ هتعرف الأخطاء ومع الوقت هتلاقي نتيجة بس الزم القران متسيبهوش ومتيئسش ابدا والغى الاغانى من يومك تماما هتلاقى القران بيتحفظ اسرع  

والله ياموده شاطرة هو انا بعتله ورد عليا فعلا قالي هتسمع الحصري وبعتلي لينك المصحف المرتل هخليني مع الحصري انا عارفه عشان اثبت بس الطريقه لا مش بسمع اغاني في العادي مبحبهاش بس كل فين وفين كده اشغل حاجه معينة دقيقتين بس انا هضغط نفسي في اتجاه حفظ القرءان بحيث مسمع اغاني خالص بعد كده هو كده كده في جمله بتقول النفس ان لم تشغلها بالطاعه شغلتك بالمعصيه 

واسمع بودكاست كيف تتأثر بالقران لدكتور أحمد العربي حقيقي هتبقى فى حته تانية خالص 

دى مش شطارة منى خالص دى نصايح معلمتى وتوفيق ربنا 

ربنا يوفقك ويعينك ياهندسة على الحفظ ، انا لما بحب اتاكد من كلمة بسمع اكتر من الشيخ وعلى رأسهم الحصرى والمنشاوى وعبدالباسط الافضل لك عشان لسه فى البداية سماع كتير ويكون ل شيخ واحد فقط انا افضل المنشاوى . القرءاة بتكون متوسطة السرعة وبيمد المنفصل فى النسخة بتاعته وممكن مشارى العفاسى، بلاش الدوسري والعجمى كمتابعة حفظ معاهم .  

الافضل عشان تثبت الحفظ تكرر لا يقل عن ١٠ مرات بعد انتهاءك من الحفظ، ومتزودش الكمية ف البداية يعنى يكفى صفحتين فى الاسبوع  

بص ياباشمهندس اعينك الله اولا وان شاء الله لك الأجر والثواب و علشان تبدأ حفظ لابد انك تكون بتعرف تقرأ بالتجويد بمعني الاخفاء وخلافه علشان القراءن لابد أن يقرأ بالتجويد لكي لا نأسم طيب لو مش عارف في حاجه اسمها التحفه دي بتعلم القراءة بالتجويد بس انا مش فاضي هتسمع ان شاء الله علي اليوتيوب وكل ما بتكون عندك تمكين القراءه ان شاء الله الحفظ بيجي بسرعه ثانيا علشان احفظ في حاجه اسميها التحضير بمعني مثلا ان شاء الله هحفظ سوة طه اقوم بقراءتها حوالي عشره او عشرين مره الي ان تتيسر القراءه علي لساني بالنسبه للاستماع للقراء دا شئ جميل جدا وخاصة كبار القراء الحصري المنشاوي وغيرهم رحمهم الله بس الطريقه دا ياباشمهندس محمد اسمها التلقين زينا لما كنا صغيرين فى الأزهر إلى هي الاعتماد الاستماع وان شاء الله بالنسبه لسماعك الاغاني علي فترات محاولتك حفظك للقرآن ان شاء الله هتبعدك عنها وفنا جميعا الي مايحب ويرضا