29 jul 24 por membro: .🧡ڤانيليا
|
29 jul 24 por membro: CAP.MOSTAFA
|
29 jul 24 por membro: ĎÒĐÝ
|
زهرة شبابي بقت حزمة جرجير
قولت بلاها عشرينات هعوض فى التلاتينات ودلوقتى بقول بلاها تلاتينات نعوض فى الجنة بقى
29 jul 24 por membro: مودة ...
|
ڤانيليا ميصحش كده اومال هنحكي للاجيال الجايه عن خيبتنا بس ولا ايه 😂
30 jul 24 por membro: Eng.'Mohamed'
|
وبعدين يا كابتن مصطفي فين الحكايه اللي هنقول عليها ياليت الشباب يعود يوما
30 jul 24 por membro: Eng.'Mohamed'
|
وبعدين يادودي انتي بالذات هتقولي لولادك انا في شبابي مشوفتش نهار ولا شمس 😂😂😂
30 jul 24 por membro: Eng.'Mohamed'
|
ياموده تشبيه جميل انا اكتشفت ان لما بنقول بنقول هنعوش مش بنعوض حاجه
😂😂😂احنا جيل من اوله بدا بزلزال هنقولهم ياه ايام الشباب كنت علي فات سيكريت😂😂
30 jul 24 por membro: Eng.'Mohamed'
|
احنا جيل
شاف ومر بكل حاجه
كتر خيرنا اننا لسه صامدين
الحمد لله
30 jul 24 por membro: ام نوح 2024
|
صباح الفل
فعلا جيل فات عليه ازمات غير طبيعية ...
يعني هنقول للاجيال الجايه احنا نحمد ربنا اننا عدينا بالمرحلة دي اصلا 😂
30 jul 24 por membro: Eng.'Mohamed'
|
الحمد لله الذي لا يحمد علي مكروه سواه ...
.ياهندسه ياما دقت ع الراس طبول 💪🏾
30 jul 24 por membro: CAP.MOSTAFA
|
ياجماعة تفائلو
على رأى د. عبدالرحمن ذاكر الهاشمي كان بيقول هى دنيا مش مستاهلة اى زعل عليها اطلاقا احنا خلقنا فيها للاختبار العيش هناك فى الاخرة تفائلو
ومارسو الامتنان عددوا النعم اللى فى حياتكم من أهل لزوجة أو زوج لصحة
دراسة أو شغل
حتى لو بنتعب وبنتبهدل فيهم نفتكر أن فى غيرنا محروم من ده
على بعد كام كيلو ناس فقدو وبيفقدوا امانهم واحبابهم وحياتهم
تفائلو
30 jul 24 por membro: مودة ...
|
احنا فى فيض من نعم الله
نهزر ماشي لكن بلاش يأس الله يكرمكم
30 jul 24 por membro: مودة ...
|
كلمة ليت ياباشمهندس ان شاء الله ماتكونش في القاموس بتاعنا الي في القاموس بتاعنا الحمدلله علي مامضي وبارك اللهم لنا فيما هو اتي الحمدلله علي فيض نعمه علينا
30 jul 24 por membro: m.a.s.elsayed
|
30 jul 24 por membro: Norhan Fathy Yassen
|
أنا أكيد هحكي أزمااات بس .😂😂
أنا عرفه إنه
"لقد خلقنا الإنسان في كبد "
بس بجد تعبت من كميه الصغوطات في يومي وكتيير أوي بنام مهزومه حتي لو بحاول أبان إني قويه للأخرين
لكن أودام نفسي ضعيفه جدا
حسه إني في سباق مع الزمن عايز تعمل كمية مهام في يوم ٢٤ ساعه ولكن المهام تحتاج أكثر من كده
شغل البيت ( تنضيف و أكل ومكوي و مطبخ وغسل ونشر وتطبيق وترتيب وتنظيم )
تحفيظ القران للولاد
وتربيتهم وتوجيهم للصح
تعليم أمور الدين
والمفروض أنزل لسن حل واحد عشان أعرف أتعامل معاه
مذاكرتهم
أنا بقي مش عايزه أحس إني عايشه وخلاص
بهتم بأكلي
ودراستي الشرعيه
صلاتي
ثقافتي
وصله الرحم لأهلي
موده أهل زوجي
وختام يومي قراءة الورد اليومي فبجد يوم عايز يوم عليه هديه 🏅
فبجد ربنا يعين كل واحد علي شيلته
30 jul 24 por membro: .🧡ڤانيليا
|
ڤاني حبيبتي الله يعينك ويقويكي بصي انتى عليكي السعى وليس عليكي ادراك النتيجة اعملى ما بوسعك ومتجلديش ذاتك براحة على نفسك
هى دنيا كبد وتعب احنا بقى شاطرتنا أننا نهونها على نفسنا ياقلبي
اكثري من لاحول ولا قوة الا بالله بجد هتلاقي بركه فى يومك مش معقولة
قسمى شغلك قدر المستطاع وحاولى تتابعى فيديوهات على يوتيوب عن ادارة الوقت
كمان انصحك تابعى سارة جاد ومى سعودي الاتنين دول فرقوا معايا جدا فى انى ابطل جلد ذاتي ابطل اطالب نفسي بالمستحيل
واتعلم ادير وقتى ويومى واحبني وده رقم واحد
هونى على نفسك يافتاه احنا بنعمل علشان ناخد الاجر من الله وبالتالى فاحنا مأجورين على كل السعى والتعب اللى بنتعبه متشيلش هم حاجه والولاد ربنا اللى بيربي مش احنا
احنا بس بنحاول وبندعى والتوفيق من ربنا
30 jul 24 por membro: مودة ...
|
والله أنا الحمدلله راضيه ومبسوطه بس الوقت قليل أوي علي إستيعاب القدر ده من المهام .... ربنا يعينا جميعاً 🙃
30 jul 24 por membro: .🧡ڤانيليا
|
طب قسمى الحاجات من الاكثر للاقل اهمية
كله مهم انا فاهمة بس رتبيهم وممكن توكلى لحد يعنى الولاد ممكن تقعدى معاهم فى القران تلاوة لحد ما تطمنى انهم بينطقوا صح بعد كده هتشغلى تطبيق اسمه المقرئ حددى عليه الايات وتكرار كل آية واختارى القارئ المنشاوى أو الحصري المعلم حتى لو وهما بيلعبوا شغلتيها على سماعات عالية هيتحفظ المقدار والله
وقبل النوم كررى معاهم كام مرة كمان وصدقيني هتلاقي نتيجة حلوة
حفظك انتى سماعة وشغلى نفس التطبيق وانتى فى المطبخ أو بتروقي الشقة واول ما تصحى يادوب تصلى الفجر ووانتى لسه قاعدة مصحفك وكررى المقدار عشر دقايق بس وبإذن الله هتلاقي فرق كويس جدا
30 jul 24 por membro: مودة ...
|
ووكلى المهام
يعنى انا عندى خديجة ٨ سنين بخليها تحفظ اخوها خمس سنوات تكرر بس معاه كام مرة
اعملى كده ويبقى فيه مكافئة
والترتيب كل يوم حاجه قسمى الشغل علشان كده كده الشغل مش هيخلص
المذاكرة حاولى تخليهم يعتمدوا على نفسهم ويبقى دورك اشراف فقط ده مش سهل انا عارفه بس كله بالتدريب بينفع
30 jul 24 por membro: مودة ...
|